800萬贊助初二煙花 加讚 圓圓 揀吉祥圖案
昨日年廿八，蔡加讚提早偕愛妻汪圓圓食團年飯，難得撇低子女，兩人食得特別恩愛，不時互餵甜品，猶如提早慶祝情人節。
甄子丹都睇煙花
提到旗下公司今年豪擲800萬贊助年初二的「喜運佳·譽一鐘錶譽滿香江煙花大匯演」，加讚興奮地說：「煙花嘅背景音樂同圖案都係我同圓圓一齊揀，揀咗啲輕快音樂，好似《花花宇宙》、《歡樂年年》同《四喜臨門喜迎春》，煙花圖案就揀咗啲中國人都鍾意嘅「吉」、「8」同「心形笑面」，仲有代表我哋嘅腕錶圖案，好多官員同朋友都會嚟。（甄子丹都嚟？）子丹都嚟，我都帶埋仔女，有啲親友仲喺外地專程返香港睇煙花，依家開到138圍。」
他指去年香港零售業市道一般，覺得煙花好有朝氣，有望帶旺經濟之餘，亦希望帶給市民歡樂和更多正能量。而大年初二欣賞完煙花後，他們翌日便出埠往日本旅行。
唔應該落子女面
此外，對於昨日有8歲男孩被父親罰扭耳仔跪過馬路新聞，身為三子女父親的加讚亦有留意，他不禁搖頭說：「罰應該喺屋企罰，咁好傷自尊心，教子女啱，但唔應該落子女面，嚴唔係咁，我會擔心小朋友將來成長影響佢對人態度，可能會生自卑感。」
文：名人組