食飽即撇陳凱琳 脹爆嘉穎o趙完鬆
鄭嘉穎與陳凱琳一向愛得甜蜜，前晚嘉穎陪女友見閨密，約埋陳嘉寶、陳瀅及賴慰玲食團年飯，席間嘉穎對女友照顧有加，氹到陳凱琳甜甜笑。最冧的是嘉穎食飽後識做地去埋單鬆人，留下女友和朋友girls talk，認真夠風度。
47歲的鄭嘉穎與25歲的陳凱琳（Grace），雖然年齡相差一大截，但無阻愛得甜蜜。前晚9時許，嘉穎駕駛落地個多月、價值逾45萬的新款開篷跑車載着Grace現身大坑，兩人並非拍拖享受二人世界，反而約了Grace好友陳嘉寶、陳瀅及賴慰玲，成班《殭》劇演員提早食團年飯。
廿四孝男友
有男友陪出席友人飯局，Grace笑得相當開懷，而嘉穎亦做足廿四孝男友本分，頻頻為她遞上食物及飲品，難怪Grace冧到心心眼，更不顧儀態地開懷大吃。一班女仔食到十時許開始不時玩自拍又雞啄唔斷，此時嘉穎識做地先行埋單，然後告辭，好讓女友和成班女仔自由自在地girls talk，認真風度十足。
「食飽咪走囉！」
當嘉穎步出時，穿上緊身外套的他明顯發福，成身脹卜卜，問到為何走先，他笑笑口說：「食飽咪走囉！」而一班女仔傾傾講講，至晚上十一時許始拉隊離開，並友善地向記者揮手打招呼，Grace則登上賴慰玲座駕走人。
文、攝：追蹤組