何雁詩遊韓國諗吓整容
歌手何雁詩昨日帶剛推出的新專輯《LOST IN LOVE》到電台接受訪問，近日忙於拍劇的她已向劇組請假宣傳新唱片：「本身安排唔係咁，都有啲Over。（接受唔到？）接受到，我係低層員工打份工。」她隨即表示工作至年三十晚才「收爐」，並打算和陳瀅及劉佩玥去旅行，不過尚未買機票，多數會到日韓等地方。笑問她去韓國順便整容？她哈哈笑是好提議：「都好喎！最好將人中嗰個位黐埋。」
何雁詩不覺得三個女仔去旅行很Dry，有她作伴已很好，否則好友一個人更孤單。談及她單身多時，可會叫好姊妹陳瀅介紹男仔？她說：「佢個啲唔係我杯茶，我鍾意飲中國茶加奶，冇所謂啦！希望踏入雞年桃花暢旺，可能去旅行會識到呢？」