伍詠薇乘勝追擊 執導長片
藝人伍詠薇（伍姑娘）及方力申昨日到銅鑼灣出席「NowTV 2017年第一季度全新節目巡禮」，大會安排4位型男以韓劇Oppa造型與伍姑娘同台，宣傳《鬼怪——孤單又燦爛的神》、池晟參演的《被告人》及燦烈（EXO）參演的《Missing 9》等大熱韓劇。伍姑娘聽到有人形容韓劇男演員擁有「堅定又猶豫的眼神」，她笑說：「神經病！咁嘅眼神，我一巴『星』佢！（老公練海棠係咩眼神？）一時一樣，睇我心情，有時堅定，有時猶豫，有時不安。（農曆新年同老公旅行？）唔會，唔鍾意同人逼，但會出去睇戲，支持電影業。之前我幫ViuTV節目做導演拍短片，外間話估唔到我可以拍出咁沉重嘅氣氛，依家計劃想拍長片，有兩、三個劇本睇緊，希望雞年開得成。（自導自演？）唔會，我做導演，會專心做好幕後工作。」
方力申遇鄧麗欣有壓力
方力申說：「農曆新年放假返北京探親。（有女伴同行？）有，我阿媽！（諗好咗點應付長輩啲新年問題？）唔使，佢哋唔會問我，啲表妹有細路，老人家掛住同細路玩！」被問到在台上自爆出席公開場合遇到藝人會感壓力，是否包括舊愛鄧麗欣（Stephy）？他說：「少少，唔知點解我去頒獎禮見到其他藝人都會緊張，可能人多啩？但私下見Stephy都OK，之前公司同事結婚見過，出活動有咁多人睇住就壓力大啲！」問到會否向緋聞女友何超蓮家人拜年，他說：「唔講其他人！」