36F鄧月平絕殺周秀娜

鄭丹瑞（阿旦）、周秀娜、鄧月平、蔡瀚億、張繼聰、談善言前晚在九龍塘出席賀歲片《小男人週記3之吾家有喜》首映，捧場的嘉賓有佘詩曼、岑日珈及Super Girls等。「封胸」的周秀娜以大露背裝示人，被「中門大開」解放36F導彈的新人鄧月平搶盡風頭。鄧月平的側面亦春光無限，因服裝太性感之故，不時見她整理衣服慎防走光。

任踩唔嬲

鄧月平受訪時說：「條裙係自己整，一路都鍾意整衫，買咗啲衫都會自己改，希望創造到自己嘅品牌。（不停整理裙子驚走光？）其實好緊張套戲，自己都係第一次睇，後期剪接嗰陣對配音唔係咁滿意，但無論好與壞都希望大家多啲Feedback，最好踩多我幾腳，需要呢啲先會成長得更加快，唔使留手盡力踩。（接棒娜姐做性感女神？）娜姐係性感在骨子裏，佢係我心目中嘅性感女神，我可以做『武打女神』，雖然個胸有少少唔符合要求，但想嘗試。」

鄧月平側身騷大露背兼送「峰」光！	鄭丹瑞一次過攬勻周秀娜及鄧月平，梗係笑到見牙唔見眼啦！	同樣露背的周秀娜輸晒畀鄧月平，咁鄭丹瑞想「出手」做咩呢？

驚壓親阿旦

鄭丹瑞兩個女兒客串演出，但太太就因病缺席首映，他說：「冇諗過《小男人週記》再出現大家會咁注意，大家好捧場，好喜歡梁寬，既幸福又幸運，當然幸運身邊有周秀娜。」問到周秀娜對票房可有壓力？她說：「電影好貼近我哋嘅生活，如果旦哥搵我做女神，我係唔會接。（依家唔使性感打扮？）戲裏面做幾多，有場戲講我要喺旦哥身上壓過去，嗰日要食少啲擔心壓親佢。」阿旦即笑說：「今次真係辛苦我，上套戲就着樽領，今次就唔准着衫，淨係着內衣。（特登安排呢場戲畀自己？）唔止一場，做導演就係咁，佢知我唔係博懵，係劇情需要。」而歌手岑日珈的緋聞男友富商王弼燮（Jason）與吳若希的情史被翻舊帳，她指不知兩人是否拍過拖，自己則會避忌點怕緋聞影響形象。

文：影視組