十優麥明詩返女拔 教師妹做「撞」「完」

東網巨星全新節目《區區有女神》，今集請來「十優港姐」麥明詩（Louisa）重遊度過11年時光的成長地佐敦，首站來到母校拔萃女書院門口，接一班師妹食Lunch送驚喜！Louisa亦有任務在身，就是挑戰百人集郵兼解答師妹的問題。起初見師姐大駕光臨，一班師妹表現得有少少怕醜，但又難掩興奮心情，一擁而上Q&A！

師妹們愈問愈大膽，竟然問Louisa讀書時有否拍拖，她笑言因當時不懂打扮，冇人追要守Dry！有師妹直言想參選港姐問心得，Louisa叫對方先乖乖讀好書，仲讚師妹：「佢唔係鍾意扮靚！佢係真係靚！」氹到師妹「心心眼」笑到四萬咁口！期間有師妹問她為何選港姐？食了「誠實豆沙包」的Louisa說：「坦白講做律師有啲悶！」

麥明詩重返母校，百般滋味在心頭。	想選港姐？你實得喎！（設計對白）	原來你就係「小廚神」！（設計對白）

拍拖踎街邊檔

其實Louisa起初擔心師妹懶理她，沒想到師妹們活潑可愛，而她亦任問唔嬲，有師妹趁機偷師：「你係點做到狀元o架？」Louisa見師妹相當正經，於是搞爛Gag傳授秘技：「撞落幅牆之後咪『撞完』囉！」現場爆笑連連。

探完師妹後，Louisa到佐敦一帶篤魚蛋、食燒賣，晚上再帶大家到她以前掃平貨的地方──廟街，並自爆曾經與男友到廟街食街邊檔！其後去飲涼茶時，店員婆婆一眼認出她是港姐，有食客則讚她是「最有才華、最讀得書多」的港姐，更興奮得請全場飲涼茶！想知Louisa向師妹爆幾多料？走勻成個佐敦有幾貼地？即刻開東網App去東網巨星睇視頻啦！

Profile

麥明詩（25歲）

身高：1米64

三圍：32.5、22、33

Instagram追蹤人數：10萬

銜頭：2015年港姐冠軍兼最上鏡小姐、劍橋法律系畢業生

攝：張福宏、劉斌

文：老詠誼

https://goo.gl/3QL9MQ