楊埕整蘿蔔糕 上龐景峰屋企拜年

曾參選港姐、有「清純栢芝」之稱的楊埕（Sabrina）日前親自炮製蘿蔔糕，迎接農曆新年，當日還有其化妝師好友Will Or幫手。Sabrina表示首次整蘿蔔糕，會否叫男友龐景峰做「白老鼠」試食？她說：「我仲未喺佢面前煮過嘢，平時大家好忙，多數出去食。」會否到男友家拜年？她大方表示會：「呢個係禮貌。（會準備咩賀年食品？）佢屋企人西方啲，我諗會送朱古力、餅乾，同埋攞底蘿蔔糕畀佢屋企。（早前係咪鬧分手？）之前係嗌過一陣交，但依家冇事啦。」