林作獲靚女送紅底 買特大呀唔該！

大律師林作（Joe）與女子組合Bingo的隊長Carman（關嘉敏）、Odilia（陳康琪）及Christy（周彥）因拍微電影而成為朋友，日前四人行一同食貴價海味團年飯，他更獲三位靚女餵食。提到農曆新年有沒有買紅色內衣習慣？Joe自爆喜歡紅色，更笑言十幾年冇買過底褲，三女揚言買一打紅底上去Joe價值6,500萬元的三千多呎複式豪宅拜年兼打麻雀，Carman笑言：「我哋買齊大中細碼。」Joe即打趣說：「你哋要搞清楚size，有啲嘢唔可以以貌取人，好多品牌都有特大。」
林作獲三位靚女餵食餸，艷福不淺。
林作獲三位靚女餵食餸，艷福不淺。

Joe獲媽媽送上的結婚愛巢有七間房，以白色為主調，豪華得來見清雅，Joe雖與「十優港姐」麥明詩關係撲朔迷離，但新年有班美女送紅底兼到場打麻雀賀新禧，一樣艷福無邊！

麥明詩剝牙面腫

日前剝牙的麥明詩昨面腫腫出席無綫節目記者會，談到林作的新豪宅曝光，她說：「間屋新咗好耐啦。（去過？）諗吓先，間屋佢買咗好耐啦。（過年去拜年？）過年我同屋企人去旅行。」

服裝：中藝

場地：禮賓傅/Barry@Oneness

Carman整蠱曾與她傳緋聞的林作。
  • Carman整蠱曾與她傳緋聞的林作。
麥明詩剝牙搞到面腫，她即中門大開轉移大家的視線。
  • 麥明詩剝牙搞到面腫，她即中門大開轉移大家的視線。
6,500萬「結婚禮物」曝光
  • 6,500萬「結婚禮物」曝光
林作的6,500萬豪宅裝修清雅。
  • 林作的6,500萬豪宅裝修清雅。
林作母親在豪宅留影。
  • 林作母親在豪宅留影。