霆鋒拋鑊炒牛河 少油骨膠原 盛惠1萬蚊

謝霆鋒、衛詩雅及韓星鄭容和昨日到中環宣傳英皇電影《決戰食神》，大批粉絲一早到場等候。兩大型男甫現身，粉絲即不停歡呼。由於現場環境非常狹窄，保安及工作人員負責隔開人流，幸未算混亂。

「空氣炸」牛筋肉

廚藝了得的霆鋒在大牌檔炒「鋒味牛筋脆片河」作義賣，每碟賣一萬港元，最後共籌得十五萬港元善款。霆鋒炒河頻頻拋鑊，功架十足，鄭容和、詩雅及一眾善長食過後都大讚美味。問霆鋒多久沒有來大牌檔？他說：「唔係好耐，我好鍾意大牌檔啲爐嘅聲，同埋街坊氣氛，屋企煮唔到呢啲鑊氣。（鍾意食大牌檔嘢？）係呀！細個我住沙田，成日去隆亨邨啲大牌檔。」

霆鋒表示今次炮製的牛河相當特別，算是自己研發，更特別為女士而設：「係牛筋肉，有骨膠原，而且唔係用油炸，係『空氣炸』，女仔食幾好。不過好搞笑，我用腳踩火嗰陣發現自己着穿窿褲，搵咗自己笨，覺得好熱。」據知，霆鋒事前特別用氣炸鍋烹調牛筋肉，原理是以強力熱風把食物燒熟，不會釋放油煙，既健康又清潔。

舔舔脷 睇吓鄭容和食得幾滋味。	上碟喇 煮熟牛河後，霆鋒即細心上碟。	夠鑊氣 霆鋒功架十足，揸鑊鏟都型過人。

雞同鴨講

鄭容和透過翻譯表示因拍這部戲才對烹飪有興趣，問有否向霆鋒偷師？他說：「佢好貼心，拍攝現場焗咗蘋果批畀大家食，味道好難忘。」霆鋒即笑說：「好易，下次教你哋。」霆鋒透露很多場戲都跟鄭容和「雞同鴨講」，但兩人非常有默契，從未因語言問題而NG，鄭容和笑說：「其實我完全聽唔明佢講乜，但靠表情同埋知佢邊個係最尾個音，再接落去。」

此外，霆鋒表示這兩日剛從內地返港，之後會到十八個地方宣傳。問到現在與女友王菲是否很Sweet？霆鋒說：「哦！（兩個一齊過年？）今日唔講呢啲啦，講番套戲。」

文：影視組