達明落區 任影唔嬲
達明一派（達明）兩位成員黃耀明及劉以達相隔5年再合體於3月23至25日假紅館舉行「達明卅一派對演唱會」，演唱會門票於今日公開發售，二人昨日到銅鑼灣派發演唱會年曆卡做宣傳，吸引逾百人圍觀，達明表現親民，對粉絲要求自拍永無Say No！
首次落區宣傳的黃耀明說：「我覺得張演唱會海報仲有創意，係我係人人，人人係我。」達明演唱會海報印滿娛圈及政界人士跟達明的合成照，黃耀明說：「因為涉及版權，怕有人唔開心。（邊個唔開心？）方丈（指小器之人）囉！」
談及演唱會表演嘉賓，黃耀明稱還未想，笑言開騷那幾天正值特首選舉，想請特首做嘉賓。有指特首好忙，黃耀明說：「咁請嗰啲入唔到閘（即落選）嘅人嚟囉。」至於演唱會可會返內地巡迴？黃耀明口快快：「我諗冇啩，我哋希望內地多啲朋友嚟睇，我哋促進旅遊業。」