彭慧中驚自己嫁唔出

藝人安德尊、劉彩玉、姚嘉妮和彭慧中等，昨日在荃灣出席無綫節目《都市閒情》之「金雞喜鳴迎新歲」活動，與觀眾大玩遊戲，安德尊更以財神Look示人，炒熱現場氣氛。提到農曆新年臨近，彭慧中表示會與家人去日本旅行過節：「去東京、長野同輕井澤，我屋企人比較鍾意遊山玩水，都應該會滑雪。」問自稱單身的她會否快點搵個男朋友齊齊度新歲，她笑說：「咁快點得？搵到對象都要認識吓，唔係話咁快就一齊o架嘛！（屋企人唔催？）冇呀，反而係我驚自己嫁唔出！」至於姚嘉妮就指初一至初三會陪小朋友拜年，問有否教一對仔女逗利是必殺技，她笑指四歲囝囝年紀尚幼：「淨係識講恭喜發財！畀利是同糖佢揀，佢都淨係識揀糖！」