李彩華搏殺搵銀兩年後結婚

藝人李彩華（Rain）昨日以短打look晒長腿，腳踏五吋彩虹鞋出席「大埔超級城 百年利是封珍藏展」。猴年工作密密麻麻的她，透露即將啟動大假mode，她說：「今個禮拜就會開始去旅行，會去幾個唔同地方，分開幾part，同父母、朋友去直到二月！（男友呢？）佢係第二part，會去美國探朋友。（有機會二人世界？）其實一班人一齊都OK，佢平時都有嚟探我班，都好多時間二人世界。（男友已經融入家中？）咁我哋一開始係朋友，我啲屋企人、朋友佢都識。（同男友情到濃時到外地閃婚？）唔會！呢啲要plan，再工作吓先，或者呢兩年啦，我唔急嘅，唔會刻意，放完假仲有好多工作，新一年都要繼續搏殺！」