黎瑞恩搵「好嘢」等人錫
曾婚姻觸礁的歌手黎瑞恩（小恩子）現身ontv東網電視節目《娛樂onShow》受訪，坦言對愛情仍然充滿憧憬，渴望得到戀愛中被愛錫的感覺。當談到一對寶貝子女，小恩子更是滔滔不絕，還爆出愛女一個秘密！十多年沒推出唱片的她重踏樂壇，動力源於一對子女的鼓勵。
歌手黎瑞恩以前給人的印象是戀愛大過天，惟2011年婚姻觸礁，卻無損小恩子對愛情的憧憬，她接受主持人Angela訪問時表示，喜歡拍拖時有人愛錫的感覺，不過，卻沒有想過拍拖：「我有自己想做嘅事，唔會刻意去做啲嘢，對感情事隨心，講緣分。覺得上天會安排一啲嘢畀我哋，如果今次唔得，可能下次有啲好嘢畀我。」
為愛的宣言落淚
離婚後感情真空期，小恩子幸得到一對仔女給予無限的愛，還大爆女兒曾凱栭不時寫情信給她：「自細我就培養囡囡書寫嘅習慣，叫佢寫字，佢好鍾意畫啲卡同寫嘢畀我，書寫有天分，寫美術字好靚。」令小恩子最感動的一次，是早前有小學同學傳來短訊，大讚凱栭乖巧，原來她在instagram上載一段給媽媽的「愛的宣言」，小恩子看完之後感動落淚。
不曾考慮復出的小恩子，對上推出唱片已是十五年前，近年她重踏音樂之路，舉行慈善演唱會及推出唱片，除了因為婚姻狀況生變，出唱片的原動力，乃源於子女對她的鼓勵：「以前佢哋冇睇我演唱會，三年前睇咗我個慈善演唱會之後，佢哋好鼓勵我，話啲衫好靚同唱得好好聽，仲問我幾時復出！」
翻唱代表性金曲
新唱片中，小恩子翻唱了不同年代歌手的歌曲，當中有區瑞強的《陌上歸人》、黎明的《今生不再》、蘇永康的《假使有日能忘記》、謝安琪的《祝英台》，和連詩雅《舊街角》等，她說每首歌、每個歌手都是她欣賞的，都是自己親自挑選。想看更多更詳盡的訪問內容？請上ontv東網電視收看《娛樂onShow》啦！
髮型：Steve@Hair
化妝：Meegan Seak
文：專案組