失婚Danielle眼濕濕：在職媽媽不易做

混血模特兒Danielle早前宣布因性格不合，結束與馬來西亞華僑丈夫的七年婚姻。2016年對她來說是大改變，二人育有的7歲兒子及6歲女兒在吉隆坡生活，現由Danielle照顧，所以她不時要香港與吉隆坡兩邊飛，有時小朋友亦會同行，順道過節。

不敵七年之癢

Danielle提起前夫仍忍不住眼濕濕：「我哋有試過挽救，但大家方向唔同，雖然嗰段時間係好傷心，但我哋都希望對小朋友嘅傷害減到最低，會以小朋友行先。」她表示與前夫現時仍是朋友，亦是仔女的家人。

她更大嘆在職媽媽實在不易做，接每一份工作都要想仔女，見到仔女的笑容是她工作的最大動力：「我唔想因為工作，而錯過仔女嘅成長同生日，一有時間會親力親為接送佢哋。」問到有否後悔離婚？她直言沒有，始終生了兩位健康的小朋友。至於感情方面，她指現時專心小朋友及工作，適當時間才會再考慮。

Danielle不時炮製住家菜讓囡囡感受家庭溫暖。	愛下廚的Danielle望可參與烹飪節目。	Danielle籌備兩年的烹飪書，口碑不俗。

出書搵銀養家

此外，她透露大時大節會飛澳洲一家人相聚，亦會大顯身手煮幾味。熱愛下廚的她表示籌備兩年的烹飪書大賣，不少朋友都跟她要食譜炮製大餐，她更希望向烹飪方面發展：「我鍾意煮嘢食，希望可以有烹飪騷或者煮嘢嘅節目參與，一步一步去創立自己品牌，先係出書先。」她更希望今年可以帶一對寶貝仔女到不同的地方旅行，特別是到非洲的森林看野生動物，給小朋友一個快樂童年。

化妝及髮型：Chris Lam、Kyo Lee@Chris makeup

服裝：Max Mara

場地：Fashion Walk

文：名人組