玄學星相：霆鋒再婚時機未到思貝是非繼續纏

屬馬的吳業坤於2016年事業一帆風順，未知踏入雞年他又會否再創高峰？陳子才直言一定得：「屬馬又有正桃花又有偏桃花，對演藝人嚟講係非常大嘅優勢。至於佢個人命格行正財運，睇佢2016年年頭攞獎之後，啲嘢做唔完，收錢收到手軟。喺2017年仍然有呢個情況。」至於屬羊的蔡思貝在2016年是非不斷，無論事業定感情都有阻滯，雞年又可會好轉？陳子才指她運程會較去年平靜，但命格中有一格行到「天剋地沖」，所以免不了會有是非。陳子才表示屬羊的朋友可以清理乾淨正西位，藉以淡化是非。

古天樂爛桃花湧現

而屬猴的謝霆鋒與王菲復合後屢傳婚訊，究竟在雞年有冇機會拉埋天窗？陳子才指機會不大：「尤其從霆鋒命格睇，屬猴上年犯完太歲，今年會平靜落嚟，尤其2017年1月之後，最緊要留意身體健康，因為有『病符星』出現。睇埋王菲命格，佢今年沖太歲，同步亦係夫妻宮逢沖，正常人判斷，話佢結婚都得，但佢哋又結過婚又離過婚，又生過小朋友，所以結唔結婚已經唔再重要。」那麼屬狗的古天樂一直單身，到底雞年有冇機會找到真命天女？陳子才指他雞年沒有明顯桃花，反而有一粒「陰煞」女小人星，可能有緋聞出現。

王菲	屬狗的古天樂雞年遇上「陰煞」女小人星。	屬羊的蔡思貝雞年要多清理正西位，有助淡化是非。

李施嬅感情易生變

此外，屬雞的李施嬅2016年事業平平，陳子才指她新一年事業運OK。至於屬豬的鄧麗欣跟方力申分手後，新一年可有新戀情呢？陳子才指她今年吉星只得一粒，又是驛馬年，所以有機會往外地發展異地戀。想繼續聽師傅點講？就要Click入東網巨星睇《玄學星相》就更啱Feel！

屬雞的李施嬅新一年事業運不俗。

堪輿學家陳子才（左）為大家分析不同藝人的雞年運程。

https://goo.gl/AG88mz

文：專案組