秋生晨早嚟抓撈：簽到約咪有飯食！

周秀娜收埋咪咪，玩透視誘惑。

昨晚電影業界猛人與群星雲集賀「寰宇30周年晚宴」，出席包括英皇老闆楊受成、林小明、黃秋生、薛凱琪、周秀娜、莊思敏、傅嘉莉、李思欣、唐詩詠、洪金寶與諸葛紫岐等，場面墟冚！最早到場的秋生席間與英皇老闆楊受成密密斟，秋生說：「我早啲嚟同咁多位老闆『抓撈』！真係要早啲嚟o架，一陣啲大明星嚟到，老闆唔得閒！（傾成咗幾多部戲？）都好多部！簽到約咪有飯食囉！聽朝我要綵排舞台劇，就嚟出發新加坡演出。（幾時拍番戲？）要睇老闆喎！快o架啦，冇問題嘅！」

諸葛紫岐學剪片

至於寰宇老闆林小明席上宣布未來大計：「4月會上《拆彈專家》，遲啲會開《掃毒2》同《逃出生天2》，想原班人馬，依家未知製作費，要睇班底！（同江若琳嘅官司進度如何？）應該年中會解決。（佢話每月要六位數字平衡開支？）唔關我事！依家打緊官司。（完咗官司搵佢拍戲？）後話啦，大家已去到一個冇嘢講嘅階段。（完咗官司未完約，要對方賠錢？）合約到2019年先完，正常我會Claim番佢，依家等官判！」

佘詩曼紅噹噹撐寰宇場，勝在夠高貴！	諸葛紫岐學以致用，剪片來宣傳旗下藝人。	秋生（中）一早到場與林小明（左）及楊受成密斟，笑言嚟搵工開先有飯食。

同場的諸葛紫岐以模特兒公司老闆身份與老公結伴出席，她透露最近學識剪片：「將公司藝人片放上網，『處女下海』冇人教！（老公點睇？）佢讚啲片好搞笑，我覺得做呢行剪埋片，好有成功感！」

文：影視組