黃文意 鄺潔楹搶歐陽巧瑩風頭
藝人鄺潔楹（Judy）與黃文意（Mandy）近日於無綫旅遊節目以逼爆泳裝示人，因而人氣急升被封女神，昨日孖住出席宣傳時，風頭蓋過另一「咪神」歐陽巧瑩。Mandy笑指答應穿三點式全因攝影師拍心口，承諾會把她拍得身材如張秀文及陳偉琪般「宏偉」。
藝人鄺潔楹（Judy）、黃文意（Mandy）、朱智賢、歐陽巧瑩、范文雅等，昨日出席無綫旅遊節目《3日2夜》宣傳，近日於節目浸溫泉大晒逼爆身材而被封女神的Mandy及Judy，雖然密實上陣，但人氣卻蓋過有咪神之稱的歐陽巧瑩。Judy自嘲全靠黐Mandy才有此稱號：「我身材其實唔係好凸出，32B啫！冇Mandy身材咁好。（網友話你件泳衣好火辣喎！）當初係想揀件健康feel，估唔到大家焦點放去身材上面，開心係啲留言讚我唔做作！」
意想不到受注目
而擁有36D上圍的Mandy則表示，平日甚少於鏡頭前穿三點式泳衣，對於節目預告片中穿泳裝引來話題，笑指沒想到點擊率如此高：「個攝影師好好，拍之前拍晒心口話佢拍過張秀文同陳偉琪，保證拍到我身材好好，所以我好放心。（係咪多咗粉絲？）係呀！依家Instagram超過咗1萬，以前得幾千咋。」
穩定期仍有摩擦
至於歐陽巧瑩就表示與男友林師傑拍拖兩年多，雖然踏入穩定期，但也有摩擦：「都好嘅，感情昇華咗，算命話我30歲後結婚先好，仲有6年時間計劃，我未Ready生，所以會好安全。」
文：影視組