鄧月平口才差宣傳遊魂咁款

鄭丹瑞（阿旦）與「巨胸翠如」鄧月平（Larine）昨日到電台宣傳新片《小男人周記3》，講到新片於賀歲檔上映，阿旦表示收到消息後即刻碌爆「人情卡」，請不少紅星客串：「你知港產片冇乜錢o架啦！但要人哋嚟客串都會封番封大利是，唔係淨係送『閃卡（感謝卡）』一張，我都收過唔少！」
鄧月平參演的新片於賀歲檔上映，可以狂逗利是！
鄧月平參演的新片於賀歲檔上映，可以狂逗利是！

戲中演其女兒的Larine是否已習慣做電影宣傳？她坦言成日被嘲遊魂：「一向唔識講嘢，咁我都承認有呢個問題，要喺老竇（阿旦）同娜姐（周秀娜）身上學嘢。」提到農曆新年做宣傳可以狂收利是？Larine聞言笑說：「係喎！咁我要唔要派o架？我都係做收嗰個啦！（首映禮父母捧場？）會啊！我媽咪好鍾意張繼聰，佢哋想嚟可能係搵佢影相。」

鄧月平宣傳經常遊魂，好彩「老竇」阿旦冇怨言。
  • 鄧月平宣傳經常遊魂，好彩「老竇」阿旦冇怨言。