46歲古仔單身零壓力利是照逗

古天樂笑言冇長輩催婚，新年繼續逗利是！

古天樂昨日飛往新加坡出席意大利品牌TOD'S Marina Bay Sands全新概念店開幕活動，店舖佔地165平方米，以銀白及褐灰為主調，高雅簡潔，極具時尚感。古仔甫到場即被當地粉絲瘋狂「集郵」，但他亦來者不拒。古仔表示忙於拍戲，趕在農曆新年前「收爐」，新年不會工作及外遊：「新年係一家人一年裏最重要嘅兩、三日，同埋會同啲同學一齊吃飯，所以一定會留喺香港。（有冇畀人催婚派利是？）派利是冇分嘅，依家啲人見到我都會問我攞利是，唔一定要結婚先派，但好彩我未結婚，可以收利是。（新年最驚家人問結婚？）佢哋唔會問我呢啲尷尬嘅問題。（冇催婚？）從來冇。」

無意接真人騷

古仔又笑言小時候勁百厭，經常被家人在新年期間「開年」，但已忘記做錯甚麼。至於新年習俗，他表示有數項會遵守：「年初一一定唔可以沖涼、洗頭、唔會打掃及倒垃圾。」他又坦言新年最怕聽到風水師指哪些生肖會行運，覺得努力才是最重要，凡事以平常心面對。

古天樂魅力逼人，女嘉賓甚至小妹妹都「集郵」！	放大圖片	新加坡藝人陳風玲（左起）與古天樂、歐萱、張振寰齊撐品牌開幕。

另外，問到曾主演的電視劇《尋秦記》拍電影版，會否今年開拍？古仔說：「應該係今年底或明年初，依家正準備劇本及其他嘢。（有冇興趣拍電視劇或接拍真人騷？）暫時呢兩個都未有打算。」

文：名人組