岑麗香拍劇要緊生B拖住先

早前榮升人妻「強嫂」的藝人岑麗香昨日出席冬甩店開幕活動，大騷香肩及輕晒事業線，性感養眼。香香接受訪問時，提到司儀表示摸過現場醒獅隊的獅子會連生貴子，摸過獅子的香香被問是否想生B？她笑說：「由頭摸到尾會帶到福，摸定先，不過未生住，Hold住啲福先。（幾時生？）冇咁快，我嚟緊二月開《溏心風暴3》。」
岑麗香
岑麗香

香香自爆閒時與老公在家一齊玩煮飯仔，強強負責煮西餐，自己則炮製中餐及甜品，最拿手是可樂雞翼。問到有否煲湯給老公進補？她說：「清熱、溫和身體嗰啲。我煮嘅嘢比較簡單，冇咁複雜，要慢慢嚟。」

香香摸獅頭沾旺氣。
  • 香香摸獅頭沾旺氣。
面對美食，香香露出趣怪表情。
  • 面對美食，香香露出趣怪表情。