Kawaii冇藝術天分靠把口搵食
藝人Kawaii和主播周奕瑋昨日於活動擔任司儀。提到展覽藝術氣息濃厚，問Kawaii有否美術底子？她直言小時候有學畫畫：「媽咪話我坐唔定，佢做設計師嘅，就想我學畫畫『綁住我』，素描、水彩都識。（有天分？）唔得啦，中三時發現自己喺針黹同烹飪在行啲，最後進展到用口搵食。」
Kawaii透露農曆新年會全面放假，下月五日更是她生日：「啱啱喺正月，好開心，因為拜年嗰時，長輩都會封雙份利是畀我。之前試過一家人過年時去韓國玩，但今次一定留喺香港拜年。（收穫好豐富？）唔算多，其實都係得兩、三戶要去拜年，大約萬幾蚊咁。」