林嘉欣1個月喪煲34套戲

擔任《第十一屆亞洲電影大獎》評審主席的內地導演賈樟柯、名人評審林嘉欣、台灣演員鄭人碩及擔任頒獎禮得獎者區司儀的韓星李成敏（Clara）昨日出席記者會，林嘉欣透露要在1個月內看完34部入圍電影，同時要湊女，非常有挑戰性：「我諗番以前孭住背囊周圍去影展睇戲，去過愛丁堡、柏林、釜山、東京，好掛住呢啲日子！（依家帶埋個女一齊去？）帶住個女睇唔到戲(口架)！佢仲係睇卡通片，呢啲戲對佢太Heavy！」提到不少港人熟悉的演員如許冠文及任賢齊都有份爭獎，嘉欣表示不會加分，會一視同仁。