陳慧琳練歌等攞金針獎
潮媽陳慧琳（Kelly）昨日出席珠寶活動，講到農曆新年將至，她表示會在香港過，每日都要去親友家拜年，初三會做鄭中基演唱會嘉賓。講到李克勤表示會回歸2017年度頒獎禮，並呼籲多些歌手朋友參加，Kelly則稱不會參加：「咁多新人畀多啲機會佢哋。（驚唔驚你再唔參加，遲啲推你攞金針獎？）唔驚，四大天王都未攞，我唔攞住，就等呢個，畀廿年時間我練歌。」
另外，講到現時很多歌手參加內地歌唱比賽節目，她稱不會參加：「畀人鬧到咁仲參加？同埋要成日飛上去，冇人同我個仔做功課。」她透露曾有人找她做搞笑節目評判，但因自己不擅詞令而推掉，雖然酬勞很吸引，但卻不心動：「好似係好多錢掟畀你咁，啲錢係每集計。（每集可唔可以買到層樓？）睇你咩樓，不過個節目最後都開唔成。」
