蘇菲瑪素見人大肚 八卦仔定女
擔任澳門巴黎人大使的前邦女郎兼經典電影《驚世未了緣》（Braveheart）法國女星蘇菲瑪素（Sophie Marceau），昨日現身澳門巴黎人的巴黎鐵塔7樓觀景台出席「蘇菲瑪素共慶浪漫時刻 只在澳門巴黎人」活動，與報名參加的99對情侶見面。
活動於4時半開始，先有三女兩男肯肯舞表演打頭陣。其後金沙中國有限公司總裁王英偉博士上台致詞，介紹澳門巴黎人品牌大使蘇菲瑪素出場。蘇菲以一身紅裙示人，明艷動人，她說：「呢度好正！我尋晚先離開巴黎，好開心可以嚟到呢度，見到咁多對後生情侶，歌頌愛情。」問到愛情是甚麼？蘇菲回答：「愛係一種交流、溝通、互相理解、呵護對方、感到受保護、忠誠、享受一齊嘅艱難時刻。愛係一切事物好嘅一面。」她寄語情侶：「要相信對方，一齊努力，一齊奮鬥，相信對方會令自己變得更好。祝大家新年長壽。」
欣賞Soler歌喉
蘇菲又大讚巴黎人：「我好榮幸睇到呢度嘅巴黎鐵塔，我喺巴黎每日都會經過。」蘇菲與王英偉接着進行啟動愛情鎖儀式，並一起祝酒。其後蘇菲抽出9對情侶與她於台上合照，其中一對情侶的女方大肚，蘇菲親切問對方：「仔定女呀？」澳門樂隊Soler之後出場表演，翻唱披頭四（The Beatles）名曲《Michelle》與Beyond名曲《喜歡你》等，而蘇菲亦有留低細心欣賞。
甄子健澳門報道
_