Tiptoe舞爛腳趾公 朱晨麗掌聲療傷

朱晨麗Chok甫時神情輕鬆，其實背後下了不少苦功。

朱晨麗表示在舞蹈團的4年間，為了一齣又一齣的表演，每日進行「朝九晚六」的密集式集訓及排舞，她坦言過程的確辛苦，但每當聽到台下觀眾報以熱烈的掌聲，訓練時的痛苦經歷都會一掃而空，她說：「好記得演藝畢業時要表演，我係主角，但着Point Shoes跳舞已經練到隻腳趾公爛晒，指甲變咗紫色兼甩咗一半仲流緊血，但表演當日我死忍，噴止痛劑同食藥，又用紗布包住晒隻腳趾，表演完聽到台下掌聲拍咗好耐，嗰種成功感令我覺得係值得嘅，好有滿足感！」雖然入行後鮮有練舞，但她透露間中亦會忙裏偷閒去上堂：「耐咗冇跳會身痕，只可以話我太鍾意跳舞喇！」

• 朱晨麗每次演出都不敢有絲毫鬆懈，為的是觀眾的熱烈掌聲。