張秀文笑朱智賢太高 識唔到騎師

藝人張秀文、朱智賢（Ashley）和陳婉衡（Alycia）昨日出席沙田馬場全新賽馬主題時尚Cafe「出閘（JUMP）」開幕活動，張秀文笑言自己是賭馬的「明燈」，談及會否想認識馬主或騎師男友時，她表示沒有想過，還稱擔心Ashley識不到騎師男友：「因為騎師輕磅啲、嬌小啲，佢又好高。」又笑謂日後如男方額頭刻有「馬主」二字，都有興趣認識，但現實不會以這個為擇偶目標。問到Ashley會否介意男仔矮過自己？她說：「我本身prefer高過我嘅男仔，但有時感覺嘅嘢好難講，愛情係盲目嘅。」隨後更自爆現時有拍拖，男友高過自己。

未渴望生仔

至於跟張秀文提到其同屆港姐莊思明被本報拍到搓肚睇醫生，可知對方是否有懷孕好消息？她表示如消息確實，會恭喜對方。問到她與緋聞男友兼無綫經理人Victor可有結婚計劃？她說：「我最鍾意睇人sweet，我自己鍾意睇戲，唔鍾意做當事人。（有共識？）呢啲通常係我自己諗。（咁獨立？）我覺得女人係要自己識搵錢，有工作能力、有學識同主見，婚姻先會開心。」問到何時實行結婚計劃時，她指未定時間：「好多女星好似林心如都40幾歲先結婚生仔啦，幾好。（你都接受奉子成婚？）咁我又應該唔會，我對小朋友未有咁渴望，結婚對我嚟講已經好難，唔會諗到生仔先，除非我好想有小朋友。」

張秀文、朱智賢、陳婉衡

張秀文笑言自己是「明燈」。

陳婉衡想脫「宅」

而Alycia則表示現時單身，強調沒有男朋友，聖誕都是跟愛貓度過，自己對愛情不心急，但透露亦有遭媽媽催促戀事，又笑言自己是宅女長留在家：「我今年訂立嘅目標係唔好咁宅，要出多啲去社交活動同朋友聚會。」

文：名人組