莊思明唔抗拒先有後婚 楊明阿媽恨抱孫

藝人莊思明日前被拍得深夜到醫院求診，有男友楊明貼心陪伴的她更頻頻搓肚兼作嘔，惹來大肚疑雲。思明昨日接受訪問笑言當時只是感冒發燒，否認有喜。問到先生B、後結婚的想法？她坦言不抗拒，覺得「次序不重要」：「唔係啲咩咁大不了嘅事，講真時代唔同咗，只要兩個人一齊開心，大家想有長遠關係同將來嘅話，其實次序都唔緊要。視乎兩個人有冇共識，唔會話好抗拒。但如果你問我呢個階段會唔會咁做，我同楊明都唔會，始終我哋都想賺多啲錢先。」問兩人有否計劃婚期？思明笑指朋友比她心急，又言家人並無催婚：「未有時間㗎。（新年帶男友見家長？ ）應該留喺香港，楊明要開劇，所以要睇有冇時間先。」