藝員岑麗香與周國賢昨日在銅鑼灣出席活動。即場演繹《一人有一個夢想》的香香自言有點緊張，問到老公強強有冇畀意見？她說：「佢有叫我加油，其實佢都唔係好明廣東話歌詞，都唔知我有冇歪音、最緊要唔好走音，哈哈。（平時唱歌冧你？）佢識好多種樂器，喺教會夾band，我唱歌多過佢唱畀我聽。」香香又透露近日剛與強強去了台灣旅行honey moon，問到今次到台灣可有與強強游泳戲水？她笑說：「哈哈，今次冇，天氣凍，今次去台灣周圍食嘢。」香香指強強適應香港生活比她更快，暫時未有思鄉。
