美國真人騷女星Kim Kardashian去年在巴黎遇劫後「潛水」多時，近日終回歸社交網及跟家人開P，其家族真人騷日前播出新一季預告片，幾乎素顏的Kim更首度開腔講遇劫事件。雖有姊妹Kourtney及Khloe陪同，但Kim提起事件仍猶有餘悸，更一度喊晒口：「班賊想喺背後開槍射死我，完全無地方可以走得甩，只要諗起都覺得好失落。」
Kim另提到歌手老公Kanye West於她遇劫後一個月，因情緒崩潰而入精神病院，預告中更有Kim知道老公出事的場面，慌張接電話：「唔好嚇我啦唔該，究竟乜嘢事？」之後又喊晒話：「我覺得Kanye需要我，我要返屋企。」