「前蜘蛛俠」安德魯加菲（Andrew Garfield）近日於訪問中自爆五年前與前女友愛瑪史東（Emma Stone）及友人去主題公園賀29歲生日時，一行人都吃了加入大麻的朱古力蛋糕，全程「堅」興奮：「佢哋（友人）來到洛杉磯畀驚喜我，我哋去咗迪士尼，仲食咗pot brownies。」安德魯自言當時感覺High爆，連玩三轉過山車，但睇靜態嘢時反而嚇驚，他更表示有一刻與同行8人齊齊魂遊，不知對方到底搞咩，但就心有靈犀跟住樂園音樂當眾跳舞兼狂笑，身邊毫不知情的導遊見到大家咁開心，仲話：「你哋好正呀！」不過藥後玩機動遊戲堅危險，粉絲千萬唔好學！