鄭希怡囡囡Pat Pat藥膏搽面
歌手鄭希怡（Yumiko）、薛凱琪、鍾麗淇及鄧愛嘉等昨日出席護膚活動，Yumiko透露最近忙辦年貨及封利是，笑指未夠兩歲的女兒梁浸浸愈幫愈忙：「佢搞搞震冇幫襯，依家成日攞我啲護膚品搽面，最搞笑有次攞咗搽Pat Pat嘅藥膏搽落塊面度。呢個階段係最得意，因為佢會學你，又識講嘢。（咁咪唔可以行差踏錯？）係呀，依家言行要好謹慎。」
問Yumiko會否再追多個？她踢爆好友容祖兒母愛氾濫：「佢好錫我個女，好鍾意小朋友，成日嚟搵我個女唔係搵我。」此外，梁浸浸憑萌爆臉孔贏盡網民歡心，其個人Instagram已經超過6萬7千人關注。近日Yumiko上載了女兒學玩平衡車的照片，見梁浸浸戴齊頭盔同護膝，有型有款。
鄧愛嘉宣布懷孕
薛凱琪自爆早前耳仔失靈，膝頭又有傷患，五勞七傷：「依家會注重保養，飲好多紅棗水，又會食花膠補吓。」而鍾麗淇則透露大女因患有4號染色體缺損綜合症，至今仍未出過埠，近年情況好轉，故為大女申請護照：「我一路唔敢同佢搭飛機，不過依家見佢都穩定，希望年底聖誕節可以有機會一齊飛。」育有兩名女兒的她被問會否再追仔？她說：「我已經40歲，如果追都係呢兩年內，不過湯盈盈先啦，等佢再佗咗先囉。」
此外，鄧愛嘉宣布懷孕成功，雖然她沒透露懷有幾多個月，但明顯已見肚，估計已有5個月身孕。
文：名人組