E-kids聞「戀愛」色變：覺得好低B！

組合E-kids去年宣布回歸樂壇，今集東網電視節目《娛樂onShow》主持俞詠文（Angela）邀得三位成員阮民安（Tommy）、林詠倫（Alan）與郁禮賢（Tim）擔任嘉賓，分享再度重組的因由。Alan坦言今次由前經理人拉攏，並會在本月中舉行演唱會：「我哋之前解散好似唔係幾完美，依家都一把年紀，所以無限復活一日組合。Tommy依家成日去日本發展，我哋E-kids都有個冬季限定版，就係猴尾雞頭演唱會，做埋呢個演唱會就解散啦！」

出道長期缺「養」

問到E-kids十多年間有否不和？Alan坦言：「以前年少氣盛，如果三個都癲呢，咁一定癲o架啦！可能以前大家都未夠成熟，但係我哋未組成E-kids之前都已經一齊做呢樣嘢，點解為咗自己錯嘅諗法而冇朋友做呢？所以今次重組係好開心嘅。」事隔十多年，Tommy坦言比起出道時，最大轉變是身形：「出道嗰陣好似營養不良，長期缺『養』咁。」

Tommy笑言初出道時三子瘦蜢蜢，轉眼已中年發福！

E-kids坦言因年少氣盛搞到冇Friend做，如今冰釋前嫌。

當年E-kids憑一曲《開始戀愛》深得網民歡心，但Tim坦言當年三子聽到此曲時十分抗拒：「因為覺得好低B！」Alan則說：「本身首歌唔係E-kids，以前老闆講有問監製本身係寫畀邊個，佢答本身係寫畀鄧健泓，但唔係呢啲歌詞。」想知道E-kids會考分數是否三個不多於五分？想睇他們唱當年金曲？快啲Click入東網巨星睇實《娛樂onShow》啦！

髮型：Reborn hair

化妝：Lugarcia＠Makeup Academy

場地：華星客棧

文：專案組