薛凱琪褸．優感覺

「第一眼望落去好精神，好易成為焦點！Trench Coat好容易着得肥啲同大隻啲，但佢高高瘦瘦嘅身形完全冇好論盡嘅感覺！同埋我幾鍾意佢條Mini Skirt，令佢條腿更修長，加埋妝同髮型配合得好，演繹出剛柔並重。」

吳千語簡單Sharp醒

「呢身Earth Tone打扮我覺得都好睇，灰杏色褸襯白恤衫同埋加條淺粉紅色裙，效果幾Sharp、幾特別。我諗每個女士都幾鍾意呢類好簡單嘅褸，呢個頭髮化妝配合成件事都幾突出！」

伍靜麗鮮色夠Warm

「佢擁有超模身形，基本上着呢類長褸易如反掌！我覺得冬天大部分女仔都鍾意黑色或者深色配搭，呢類長褸咁鮮色反而特別好襯，冬天着咁鮮色特別感覺溫暖啲。」

吳千語	伍靜麗	方健儀

方健儀變得Girly

「佢平時打扮比較斯文，但今次呢個造型幾有新鮮感，一件粉紅色褸襯件白恤衫，覺得都幾Girly，幾有特別感覺，但我認為佢換過對鞋嘅話效果會靚啲，可能襯番Nude色。」

胡杏兒老積得滯

「今季興大自然色調，但佢着唔到反璞歸真嘅感覺！件褸Pattern幾靚，我建議裏面着Little Black Dress，效果會更有型。佢呢個髮型成熟咗同老積咗，魚網絲襪真係有啲多餘，唔要好過要。」