林奕匡感激女友陪浪迹天捱

將於2月開演唱會的Phil認為好的演唱會必須包含驚喜與感動，最想學習張學友與容祖兒等前輩歌手的「放」：「大家覺得快歌可能唔啱我，但我到時可能做另一個角色！」對於長居加拿大的家人都會來港捧場，Phil透露為他們準備舊歌環節，又打算帶家人行山及歎茶餐廳早餐，一嘗貼地的本地生活。

靚女有內在美

提到女友也會捧場，Phil形容對方令他快速成長：「佢係我嘅反映！譬如啱啱嚟香港嗰時唔慣好熱，成日好忟憎，佢話：『喂，你唔可以日日見到我就發洩！』係喎！咁唔啱喎！要諗吓對方，要遷就。」他大讚女友靚女、有內涵且忍耐力高，問到對方喜歡他甚麼？Phil笑說：「夠傻啩！哈哈！佢鍾意我Talent（才華）嘅嘢，我不嬲都唔覺得自己搞笑，唔知點解佢就覺得我搞笑。」

林奕匡讚女友靚又有內涵，睇落有幾分明星相添！

林奕匡指因女友一句「陪着你捱」，走出感情低谷。

決心給予幸福

早年Phil陷入事業低潮，甚至自我懷疑，感情亦隨之進入冷淡期，還好女友突然想通：「佢話我哋真係Soulmates（靈魂伴侶），最了解、最適合對方，就算時機上、事業上有錯誤又好，行錯條路又好，唔緊要，再試！如果呢一行唔成功嘅話，可以返加拿大再讀書、再嚟過，佢願意同我一齊去捱。」這番感言讓Phil放下不少壓力，決心讓對方擁有幸福與安全感：「幾樣嘢啦！Stability（穩定）、經濟上嘅支持、時間，一切嘅嘢都畀佢啦！」

場地：MOD MAKEUP ACADEMY

文：音樂組

攝：秦健輝