傲兒傲芝唔着底褲真空出街

有人說過一山不能藏二虎，但不少姊妹花齊齊加入娛圈，當中何家姊妹何傲芝及何傲兒，近年不時孖公仔出席活動，兩人自爆原來私底下會互相交換衫褲鞋襪。何傲芝笑言有次更錯手拿錯妹妹何傲兒的高跟鞋出席活動：「我哋隻腳差唔多大，但有時啲鞋我哋會同款同色，有次試過我攞咗同款同色嘅高跟鞋，但去到場地先知係拎咗兩隻右腳，咁惟有頂硬上繼續着喇！」

選美外景 家人飛京打氣

何傲芝自爆連年幼時兩姊妹衣着亦同款不同色，曾試過冇着底褲出街：「其實呢個都係媽咪話我哋知，細個工人姐姐帶我哋出街會合屋企人食飯，點知媽咪發現我哋冇着底褲，結果即刻出去買，其實當時我哋係唔知。」

何傲兒坦言何氏一家感情深厚，更開設WhatsApp群組交流，何傲兒坦言最難忘在參選港姐到北京拍外景，感受到家人對自己的愛，何傲芝透露當時妹妹面對很大壓力，所以她與爸爸特意飛到北京探望及支持妹妹。問到何傲兒當時有否爆喊？她說：「見到佢哋好開心，好感恩有咁錫自己嘅屋企人，有個咁好感情嘅家姐，我會好好珍惜。」

何傲芝自爆兩姊妹小時候試過唔着底褲出街。	何傲兒（左）與姊姊何傲芝大談日常趣事。	何傲兒（右）與家姐何傲芝姊妹情深，可以撈亂衫着。

攝影：吳文聰

場地：LE SECRET

文：專案組