湯盈盈呂慧儀鬥氣賺奶粉錢
湯盈盈與呂慧儀兩位媽咪藝人將為無綫新處境劇《愛．回家之開心速遞》開工，她倆都最想體驗拍處境劇爆騷搵奶粉錢。將約滿的盈盈原以為拍《八時入席》是最後一劇，但難忍戲癮，決定繼續拍下去。
無綫全新處境劇《愛•回家之開心速遞》將於2月20日出街，新劇昨日在電視城舉行記招，劇集再度由劉丹領軍，率領單立文、湯盈盈、呂慧儀、羅樂林及新人蘇韻姿演出，而陳浚霆則在劇中扮鬼，為劇集增添靈異新元素。
「黑仔王」等爆騷
湯盈盈與首次拍處境劇的呂慧儀飾演鬥氣冤家，有不少鬥氣鬧交場面。原本2月約滿無綫的盈盈以為拍《八時入席》是她最後一劇，最終卻抵不住戲癮，正與公司傾續約。新劇暫定一百八十集，劉丹認為會添食，但盈盈自嘲是「黑仔王」，笑說：「我都拍咗五、六套處境劇，但係套套都唔耐。（處境劇容易爆騷？）爆騷OK喎！」呂慧儀亦笑說：「我都好想體驗吓。」慧儀平時也有收看處境劇，感覺很熟悉：「我爸媽好鍾意劉丹，今次劇中做佢個女都開心。」
大女角色好神秘
劉丹單拖回歸扮演速遞公司老闆，慧儀與新人蘇韻姿飾演二女及細女，大女角色則保持神秘，會否是馬家成員？劉丹說：「我真係唔知，冇所謂，公司個個都熟。（處境劇變成訓練班？）唔係，佢哋都拍咗好多劇，啲戲都有進步，希望有多啲新火花。」未開工他已認定會添食，劉丹說：「我拍處境劇未少過七百集。（你豈不是爆騷王？）唔好咁講，年紀大喇，拍處境劇好處係唔使捱夜，可以準時收工。」
文：影視組