(12)黃嘉穎晒線 馮盈盈拋胸迎戰

16位華姐昨日盛裝見人，水準不俗。

(5)林宣妤樣子省鏡

今屆華姐身形較高挑，來自曼谷的(2)汪雅妮擁有5呎8吋半運動型身材最為出眾，(10)張高瑀（蒙特利爾）身高5呎5吋半顯得嬌滴滴。馮盈盈受訪時講到(5)林宣妤是最大對手，問她有何撒手鐧？盈盈笑言想表露自己的真性情，不過曾捲入爆粗事件的她，被指真性情「唔出得街」，她即說：「係指性格，開朗同活潑。（你唔係性格剛烈？）唔係，係調皮啲。」今年有不少佳麗不諳廣東話，盈盈一盡地主之誼指導她們，問是否想做友誼小姐？她否認有此打算，只是「幫到就幫」。

(6)曲里抽中試后冠

勁敵林宣妤則大讚盈盈友善，談到對其印象，林宣妤說：「真人同照片一樣漂亮。（教你講粗口？）呢啲唔使教啦。（你識？）我話唔識你都唔信啦，唔講就得！」來自洛杉磯的(6)曲里在活動中被抽中試戴后冠，搶得先機，講到通常試戴后冠的佳麗都無緣得獎，她說：「很害怕！（有信心？）每個人都有特色，信心是有，反而是覺得要挑戰自己。

(5)林宣妤（右）好上鏡，馮盈盈有強勁對手了。	(12)黃嘉穎最大方，谷三吋事業線搶峰頭。	(10)張高瑀身形嬌滴滴。

• (6)曲里試戴后冠。

文：影視組