林盛斌旺角派六合彩街坊瘋搶
藝人林盛斌（Bob）為宣傳處男擔正演出的電影，殺落旺角自掏腰包購買六合彩彩票，再化身財神爺派街坊，引來男女老少市民及準備離港旅客蜂擁搶奪，「新財爺」Bob成功攻陷旺角！
林盛斌為宣傳講述發達夢的新片，前日特地着到金金黃黃，到旺角自掏腰包五百元購買六合彩彩票，再化身財神到旺角行人專用區派飛！Bob在投注站排隊買彩票時，被投注人士發現其蹤影，即取出手機合照，之後Bob移步行人專用區派飛，男女老幼一擁而上，有內地情侶就算等不及攪珠已離港，都一於「袋住先」，有自稱東莞旅客說：「我由東莞跑落嚟見你！」擅長搞氣氛的Bob則引街坊讚他是「靚仔男主角」，人氣席捲旺角！
自誇有橫財命
自言有橫財命的Bob說：「我專登搵件拜年衫嚟買六合彩，我平時出席晚宴，抽獎都中三、四鑊，去澳門入賭場行個圈都贏張船飛，最叻仲贏過萬幾蚊，六合彩弱啲，中過三個半字，但正如之前金多寶，我、導演葉念琛同女主角唐詩詠都有買，我喺網上講我中咗七千萬會派番幾百萬出嚟！個post引來幾千個留言，可惜中得一個字，但唔緊要，經我手買嘅其他飛會中！（處男擔正壓力大？）依家好少港產片開工，仲要係我做男主角，壓力梗有，我本來都想搞包場，但好多貴人已經出手，票房打咗個底，但我都會繼續落力宣傳！」
文：影視組