馬明舊愛胡定欣暗寸：你仲要？

現年42歲的「鑽石筍盤」馬國明，與27歲的黃心穎因合作拍劇而互生情愫，「明心戀」發展至今已1年多，馬國明更不時夜訪女友香閨，終被揭破令戀情浮面。戀情曝光後，黃心穎總算獲得一個「認可」，開心得透過社交網放閃分享喜悅。

私底下是朋友

前日，她在社交網上載了一張在「姻緣石」前拍的照片，並留言：「傳聞中的姻緣石，今日特登行上嚟。」似是意有所指。雖然她文尾補上「拍劇」兩個字，但網友認定她是放閃晒愛。另邊廂，當年與馬國明拍拖但不獲公開的「前度」胡定欣，竟在黃心穎發文下留言「你仲要姻緣石？」，似是暗寸對方已獲得認同，而黃心穎也不避嫌再留言「要」，兩人夠晒互動。

記者聯絡上胡定欣，她表現得相當大方，並說：「我一直都希望佢（馬國明）可以遇到一個好女仔，好好咁發展吓，我自己一直都好喜歡心穎，如果佢哋真係有發展機會，咁就好好。」而黃心穎則表示私底下與胡定欣是朋友：「化妝間見到都會傾偈，覺得佢都係開吓玩笑。我其實係工作時post張相，放工先睇到佢留咗言，唔覺得有咩特別，平時都會喺大家社交網留言。」對於兩女在社交網「交鋒」，馬國明透過短訊回應：「笑吓啦。」

文：專案組