吳業坤囂到冇朋友？撩胡鴻鈞隻揪
「樹大招風」的吳業坤去年成為「新人王」，本身與同是「巨聲幫」出身的許廷鏗、胡鴻鈞是死黨，但有傳坤坤爆紅後變得囂張，加上胡鴻鈞曾在社交網寸爆坤坤扮忙，日前頒獎禮後他們為鄭欣宜慶功沒有預坤坤，因而鬧不和，但亦有傳聞指有人「眼紅」坤坤而聯群結黨疏遠他。
昨晚坤坤上載與胡鴻鈞作狀「隻揪」的搞笑片上網，以行動力證友好，坤坤說：「確實我因為工作少咗出嚟同佢哋見面，過去一年起起伏伏，情緒確有變化，但我冇囂張，佢哋都好主動關心我。」胡鴻鈞亦表示因為大家相熟，才挖苦坤坤，他說：「上年佢的確忙咗好多，大家見面時間少咗，我先挖苦吓寸吓佢啫，唔係佢紅咗唔識人，絕對冇不和，前幾日大家撞到還一齊食飯。」