《玄學星相》：鍾欣潼想遇Mr. Right要等多兩年
娛樂圈2016年喜事重重，多位女神先後「封盤」，甚至榮升靚媽，其實不少女藝人樣靚身材正，偏偏感情未有着落，難道「筍盤」都冇人吼？東網巨星推出的節目《玄學星相》，最新一集邀得堪輿學家李居明，以玄學角度解構圈中單身貴族的感情世界。
現年35歲的藝人鍾欣潼雖然被公認為大美女，但近年一直單身，就連她本人亦講過心急想嫁，究竟新一年她能否遇到真命天子？李居明說：「鍾欣潼喺2017年行乙木，暫時未有着落，要到2019年先會遇到真命天子，但佢到時都係收埋唔畀人知，直至2022年先會曝光戀情，因為嗰年佢可能會有BB。」李居明續指37歲的女星周麗淇同樣在2019年有着落，並為家庭放棄事業：「水代表佢嘅財星，如果佢有男友就代表木，而木吸水，即係趕走啲錢，所以佢未來遇到真命天子，一定攬住老公唔要錢，而且唔使佢搵錢，靠老公搵就得！」
佘詩曼要脫癦
至於41歲的佘詩曼緋聞多多，但真命天子始終未出現，原來她亦有望於2019年拍拖，不過李居明就提醒她：「佘詩曼喺雞年桃花唔旺，因為佢有一粒叫做趕走老公嘅癦，喺面嘅『奸門』位置，如果佢一日唔脫粒癦，永遠都係孤芳自賞，趕走啲男朋友。」想繼續聽師傅點講？只要Click入東網巨星，睇《玄學星相》就更啱Feel！
Link：https://goo.gl/6r1WKq
文：專案組