名媛葉梁美蘭（Mira）與丈夫結婚22年，育有一名19歲女兒。身為已故工業家葉謀遵新抱的她早年活躍Ball場，2011年突然覺得社交圈唔好玩，宣布淡出並移居美國。近年返港的她甚為低調，只間中出現社交圈友好的私人聚會，跟昔日高調穿梭大小Ball場大相逕庭。
昨日突傳出Mira與一名年約30歲的外籍嫩男夜蒲蘭桂坊，表現親暱。記者多次致電葉梁美蘭電話，但無人接聽。過往跟Mira甚為老友的Ball后薛芷倫昨日回覆：「幾年前Mira有嚟我生日會，認識佢兩夫婦，有一齊出海同去Ball，不過都好耐冇見佢，唔清楚發生乜事，唔回應喇！」
