石修獨子陳宇琛與女友Camille正式入紙排期結婚，他笑言婚宴應該明年年初才舉行，二人都是基督徒，希望於教堂行婚禮，於英國求婚的他更望於當地影結婚相。而仔大仔世界的石修則開心地表示一切由「石仔」話事。
藝人石修獨子陳宇琛（Sam）去年七月成功向拍拖兩年的前有線主播女友林佑蔚（Camille）求婚，當時Camille已即時大晒幸福，於社交網Show巨型鑽石求婚戒。現時二人拍拖三年，數日前，他們正式入紙排期結婚。Sam昨日接受記者電話訪問時難掩開心之情，一接電話已說：「多謝晒！」之後又笑說：「依家入咗紙先，睇吓有冇人反對，哈哈！」他坦言之後才慢慢搞其他細節，問到會在哪兒設婚宴？他說：「都未必趕到今年，可能下年年頭。（唔趕住生BB？）唔趕！慢慢！結咗婚享受吓二人世界先。」
問到婚禮是否大搞及父親石修有否意見？Sam說：「大家都Plan緊，如果兩家人大搞都會好多人，爸爸就叫我自己決定，佢都好開心。」他又指與未婚妻都是基督徒，之前二人都已正式受洗，婚禮希望於教堂舉行，問到影了結婚相未？他說：「未呀！自己喺英國讀書、英國求婚，所以對嗰度都有情意結，希望可以去蘇格蘭影婚紗相啦！」
而石修接受訪問時坦言：「多謝、有心，佢一直都好獨立，結婚嘅嘢都係佢自己搞，或者你哋問番佢啦！（擇日同傳統安排有冇請教你哋？）佢自己有安排，你問番佢啦！多謝！」
文：影視組