老友配合密冚戀情唐詩詠：唔好加把嘴！

唐詩詠

「你啱啱同我講先知喎！佢哋嘅事梗係等佢哋自己講啦！身邊人唔好加把嘴！」她坦言曾與心穎合作，問到兩人是否合襯？她笑說：「唔講呢啲喇！」

李佳芯

「呢1年各有各忙同佢（心穎）好少見，都好少講感情事。如果係真當然要恭喜吓，始終男未婚、女未嫁，係開心事！」

麥美恩

「啱啱喺加拿大返嚟，唔好意思，我仲Jet lag緊，佢（黃心穎）點答？我就真係唔知喎，要問番佢先！不過無論邊個『是非精』拍拖、同邊個拍拖，我都戥佢高興！」

譚嘉儀

譚嘉儀與馬國明合作拍劇而變得相熟，有指對方與黃心穎拍拖，她說：「呢個真係唔知，我哋淨係傾音樂同拍劇，少講感情，你哋要問佢先知。（覺得佢哋襯唔襯？）馬國明同好多人都襯嘅，佢咁和藹可親！」

李佳芯	麥美恩	譚嘉儀

黃智賢

黃智賢正與心穎合作無綫新劇《雜警奇兵》，問到可有見過馬國明探班？他說：「未見過。（有冇見心穎開工時甜絲絲？）佢對住C君就甜絲絲，劇入面佢哋係一對。（佢同馬國明襯唔襯？）佢同個個都襯，人見人愛，一陣等心穎返嚟都會八卦問吓！」