歌手狄易達前晚到荃灣參與演出，昨日凌晨上載車門被撞凹的照片，幸好人冇事，他受訪時表示當時已抵會場附近，剛有大型垃圾車在彎位掉頭，突然撞埋他的車：「佢挨埋嚟，我哋架車一邊轆離地，我都呆一呆，如果我同事唔拍佢車身，佢都唔意識撞到我哋。」由於附近有警察目睹過程，故即到場支援及善後，結果延誤出席活動，令他及大會都很緊張，幸好意外發生時未到2017年，他笑言希望今年順利！