陳寶珠自爆5大秘密
「影迷公主」陳寶珠近日推出自傳《青春的一抹彩色》，剖白人生70年來的五大秘密，她不諱言「少少唔開心」是遇上不如意的婚姻，當年她與圈外人楊占美8年婚姻告終。昨日乃陳寶珠70歲生日，她的願望是身體健康。
秘密一：陳寶珠與胡楓在電影中多以情侶檔上陣，私下卻叫胡楓做Uncle！她解說：「我初初入行時，修哥係做我爸爸，所以我一路都叫佢做Uncle，後期拍戲做咗我男朋友，拍談情戲嘅時候，真係好困難，感覺好奇怪！」
秘密二：自傳中胡楓爆寶珠性格比以前開朗、開心，寶珠解說：「可能人生經歷豐富咗，睇嘅嘢都會唔同，個人好似睇開咗、睇得遠大咗，個人都開心咗。」
秘密三：演藝路一帆風順，回顧七十載，寶珠直言經歷過一段不如意的婚姻：「如果問我人生有冇遇過乜嘢大嘅打擊，唔……都冇乜遇過，少少唔開心嘅，會係當年婚姻出現問題，但都係一個過程嚟嘅！」
秘密四：單身的寶珠無意找伴亦冇人追：「記者朋友成日話我好多人追，其實錯晒，我冇人追，得啲Fans追。（男Fans追？）冇，我得女Fans，但我好開心，唔需要搵個伴，好享受依家嘅生活。」
秘密五：寶珠在蕭芳芳及薛家燕眼中是「真漢子」，當年拍劇捱通宵面不改容，但她自爆是「睡寶寶」：「我試過攰到喺屋企沖沖吓涼瞓着咗，屋企人入嚟搵我先知我瞓咗喺浴缸。」