連詩雅第一日即爆嘴

歌手連詩雅昨日元旦出席活動，自爆踏入2017年的第一日就中頭獎：「我玩玩吓電話就整飛咗佢（電話）落塊面度，之後撞爆咗我個嘴，經理人話我今年應該會鴻運當頭！」有指好友周柏豪不續約華納唱片，所以去年沒有新歌派台，她說：「以我所知佢有出電影歌，可能因為佢忙住拍劇，所以大家少咗見佢啫。（佢唔續約？）冇咩同佢傾呢樣嘢，都比較敏感。（但佢會同你講結婚？）結婚反而容易傾啲，涉及前途同金錢上嘅，我唔敢問太多，怕唔小心畀錯意見，有咩賴我咪死。」她又透露自己與華納仍有幾年約，現時雙方合作愉快。