高海寧終極一「激」狙擊谷奶雪雪
「咪神」高海寧、宅男女神孫慧雪及「朱古力胸」歐陽巧瑩，前晚在活動上同場鬥性感！晒3吋事業線的高海寧直言是「收峰」前終極一「激」，孕味濃的雪雪則谷出巨胸，與「跌蕩」的巧瑩各有睇頭！
高海寧（高Ling）、孫慧雪、歐陽巧瑩、麥美恩、湯洛雯及何佩珉等前晚出席《上水廣場華麗倒數派對》，吸引大批市民圍觀，眾女身穿性感晚裝行騷，其中「咪神界元祖」高Ling夾出3吋事業線，「峰」殺全場！身穿紫色Tube Dress的雪雪谷出湯碗胸，化身「紫色乳牛」還擊，由於腰位Cutting令她看來肚凸凸，加上剪了一頭短髮，孕味甚濃！上圍向來有睇頭的巧瑩，行路時則非常蕩漾！
隨時公開戀情
早前揚言不想再性感的高Ling，笑言當晚是終極一「激」：「買少見少㗎喇！呢晚算係2016年完美句號啦！（咁又唔夠性感喎！）留番台慶先！哈哈！」談及2017年大計，她表示月中會首次擔正劇集《抱佣情人》女主角，跟楊明合作。問到與作曲人鄧智偉傳緋聞的她，新一年會否公開戀情？她笑說：「到時話你知啦！雖然身邊好多藝人結婚，不過我仲後生。（趁對方音樂會先公開？）睇心情啦！唔知(口架)！可能聽日就公開呢！」
至於孕味出晒嚟的雪雪再被追問是否有喜，她說：「有嗰陣會同大家宣布㗎喇！（2017年目標係生BB？）都係其中一樣！仔女都OK，老公鍾意女，我鍾意仔。（急唔急生？）如果有都想快啲。（要好勤力喎！）呢條問題好私人，會畀心機！（隨時Ready？）係㗎！嚟啦！（活動後趕返屋企造人？）哈哈！冇啦！做完嘢好攰，要休息。」
陳凱琳唱Live緊張
至於無綫另一花旦陳凱琳前晚在另一活動上唱Live，唱功尚可，她直言男友鄭嘉穎有幫手揀歌：「唱歌緊張過拍劇，呢排成日匿埋練歌，我諗應該送個唱K神器畀自己。（唔係送咗支咪畀嘉穎咩？攞嚟用囉！）唔敢。」她透露嘉穎剛返港，翌日要晨早開工，故不能一起倒數。
文：影視組