洪永城爭寵 唐詩詠：爸爸鍾情馬國明
藝人唐詩詠前晚享齊人之福，拖住正印男友洪永城（Tony）及緋聞男友馬國明出席新都城中心除夕倒數活動，懂得分配時間的她先孖住Tony做訪問，及後再上台獻花給馬明。詩詠透露父親有現身打氣，Tony即得戚表示已見過世伯，問到世伯對他印象如何？Tony笑說：「Uncle唔多嘢講，成日笑容滿面，好難捉摸到佢內心諗乜，可能佢唔鍾意我！」
詩詠指父親喜歡看馬國明演的劇集，Tony即主動出擊指其新劇即將播出，更問世伯會否觀賞旅遊節目。問到新年會否請世伯去旅行？他說：「都想，但時間好難就，得嗰幾日。」及後，Tony於台上表示想與女友到南美洲或北歐環島遊，對於詩詠坦言想跟父親旅行，他即行未來外父政策：「世伯想去邊度？我哋一齊去，食好住好，去邊都得。」Tony亦趁詩詠獻唱時送花。詩詠對於舊愛崔建邦自爆低潮窮困時拮据經歷，稱當時有在旁陪伴，大讚他很堅強。
