龔嘉欣被批下年發圍
藝人龔嘉欣昨日接受堪輿學家李居明主持的電台節目訪問，對方指她於2018年橫掃天下及有機會奪「最佳女主角」，更有機會將來做媽媽時生孖胎。問到有否信心可於2018年封視后？嘉欣說：「啱啱先攞完最佳女配角獎，依家踏入新一年係新開始，要畀心機去做。（聽到沾沾自喜？）唔敢諗太多，係畀到一個正能量自己同開心嘅。」
推掉相睇飯局
由於無綫不少花旦紛紛離巢，作為新一代女藝人，大有機會上位，嘉欣就說：「最緊要勤力同做好本分，隨緣啦。」她自言不是迷信的人，但自細家人已教她要有好心地，故她近年開始參與慈善，嘉欣說：「依家未有時間住，所以出住錢先。」
對於指她會生孖B？嘉欣說：「好呀，但家族基因冇人生孖胎嘅紀錄，不過，聽到都開心，自己好鍾意小朋友，可能將來老公有呢啲基因都唔定。」單身多時的嘉欣直認有朋友為她搞相睇飯局，她已經推了三次：「一來冇時間，二來唔想拍拖住。」還透露奪得「最佳女配角」獎後工作接踵而來，令她過肥年。
文：音樂組
